ალმასმა რეკორდულად მაღალ წნევას გაუძლო, ისე, რომ სტრუქტურა არ შეუცვლია

ახალი რეკორდული წნევა, რომელიც ლაბორატორიულ პირობებში იქნა მიღებული, წინაზე ორჯერ მეტი აღმოჩნდა.

ნახშირბადს უამრავი განსხვავებული სტრუქტურა გააჩნია. ყველაზე ცნობილი მათ შორის არის გრაფიტი და ალმასი. მიიჩნეოდა, რომ სხვა ფორმები ძალიან მაღალი წნევის ქვეშ შეისწავლეს, რაც კი შექმნილა ლაბორატორიულად და აღმოაჩინეს, რომ ალმასის სტრუქტურა უფრო მდგრადია, ვიდრე მოელოდნენ.

ნახშირბადი სამყაროში ყველაზე მეტად გავრცელებულ ელემენტებს შორის ერთ-ერთია. ის ყველა არსებული სიცოცხლის ფორმების და თვით დედამიწის არსებობის საფუძველს წარმოადგენს. ის სხვადასხვა პირობებში სხვადასხვა ფორმებს ღებულობს – მაგალითად, პლანეტის სიღრმეში მაღალი წნევისა და მაღალი ტემპერატურის ზემოქმედებითის ალმასად გარდაიქმნება. მოსალოდნელი იყო, რომ უფრო ეგზოტიკური სტრუქტურები 1000 გიგა პასკალი და უფრო მაღალი წნევის ქვეშ არსებობენ.

ახალ კვლევაში მეცნიერთა გუნდმა ნახშირბადი ამ მაჩვენებელზე მაღალი წნევა გამოიყენეს, რათა ამ ნივთების სხვა ფორმები გამოეკვლიათ. მათ მყარი ნახშირბადი 2000 გპა წნევის ქვეშ მოაქციეს. ეს დედამიწის ბირთვში წნევას 5-ჯერ აღემატება, ხოლო წინა კვლევის დროს გამოყენებულ წნევაზე 2-ჯერ მეტია.

მეცნიერებმა ნახშირბადის შესაკუმშად ლაზერული იმპულსები გამოიყენეს და მისი კრისტალური სტრუქტურის ნანოწამიერი გამოსახულება შექმნეს. მეცნიერთა გასაოცრად, აღმოჩნდა, რომ ნახშირბადი თავის ალმასის სტრუქტურას იმაზე დიდხანს ინარჩუნებს, ვიდრე მოელოდნენ.

იმის ნაცვლად, რომ სხვა ფორმად გარდაქმნილიყო, ალმასის მოლეკულური აგებულება უცვლელი დარჩა. ე.ი. ალმასის კრისტალური სტრუქტურა უფრო სტაბილურია, ვიდრე მიიჩნეოდა.

როგორც ჩანს, ნახშირბადის ალმასის ფაზა ყველაზე მდგრადი სტრუქტურაა, რაც აქამდე გამოკვლეულა. შესაძლოა, ნახშირბადის ალმასის სტრუქტურა პლანეტარული პირობების უფრო ფართო დიაპაზონშიც შენარჩუნდება.

ეს ნიშნავს იმას, რომ ნახშირბადის ზოგიერთი თეორიული სტრუქტურა საერთოდ არ არსებობს ან ვითარდებიან გაცილებით მაღალი წნევის ქვეშ, ვიდრე მიიჩნეოდა – ან შესაძლოა არსებობდნენ საერთოდ სხვა პირობებში.

ეს ასევე მიანიშნებს იმაზე, რომ კოსმოსში “ალმასის პლანეტები” უფრო ხშირად გვხვდებიან, ვიდრე აქამდე ითვლებოდა.

Leave a comment

Your email address will not be published.


*